Heim

Eysturoyar dansifelag

 

Kunning tann 15.okt 2018

Vit byrja dansiveturin í fríggjakvøldið tann 19.okt. kl. 21.00 í Hæddini, Heiðavegi 19, Saltangará

Her á eystdans.dk liggur skráin á breddanum til vinstru, umframt skráin fyri oktober fyrst.

Síggjast í Hæddini. Nevndin

 

Vit minna á Føðingardagin hjá Tøkum lætt, sum bræv er komið um. Hann verður tann 24.nov. í Sjónleikarhúsinum í Havn. Tit gjalda til okkara, kontonummarið er á skránni: kr. 250- í part. So flyta vit samlað. Sigið skrivaranum frá, tá goldið er. Gjaldsfrestin er tann 25.okt.

 

 

Av nýggjum í kvæðabókini kunnu vit nevna Strandatátt yngra, Rímu (skemtitátt úr Funningsfirði), Pottatátti og Frísakvæði hjá Pól F.

Vinarliga, nevndin.

 

At vera limur í Eysturoyar dansifelag kostar kr. 100,- um árið, men hevur tú hug at kvøða eitt sindur, er tú vælkomin inn á gólvið hóast ikki limur.

Vanliga kvøða vit fríggjakvøld kl 21-24. Skráin verður til skjals her á heimasíðuni. Alt tað, sum vit kvøða í vetur, er í kvæðabók okkara, ið er her á síðuni.

Kunning fáa limirnir í e-posti og á heimasíðuni eystdans.dk. Tey, sum ikki hava e-post, fáa skránna í brævi.

Á heimasíðuni er næstan alt tað, sum vit kvøða, klárt at prenta út. Aftur í ár verður ein fløga við onkrum av tí, sum vit kvøða, at fáa bíliga.

Limagjaldið kann verða flutt á konto 6460-407.961.4. Minnst til at viðmerkja navn/nøvn til flytingina.

Í teiginum til vinstri finnur tú Upptøkur, har tú kann hoyra kvøðing. Ætlanin er at fáa alt tað, sum vit, okkara felag, kvøða hagar, so tey, sum vilja, kunnu lurta - og læra seg.

Á YouTube undir Eysturoyar dansifelag eru fleiri ljóðupptøkur at hoyra.

Á Facebook eru vit eisini: Eysturoyar dansifelag.