Heim

Eysturoyar dansifelag

Kunning tann 5.mars 2019


Nú eru fastalávints mánadagur farin afturum og harvið dansiveturin 2018-19 liðugur. Nevndin takkar øllum, sum hava verið uppií so ella so, soleiðis at úrslitið var gott.


Eftir páskir fer landsdansistevnan á Eiði at nærkast - og okkurt smátt aftrat.


Gott vár, øll somul.



 

Kontonummar okkara er 6460 407 961 4.

Skránna og kvæðabókina finnur tú í geiranum beint til vinstru. Av nýggjum í kvæðabókini kunnu vit nevna Sverrarímu, Nykin á Toftavatni, Strandatátt yngra, Rímu (skemtitátt úr Funningsfirði), Pottatátt, Frísakvæði hjá Pól F. og hin syrgiliga barnasangin Lítla Snar.

Vinarliga, nevndin.

 

At vera limur í Eysturoyar dansifelag kostar kr. 100,- um árið, men hevur tú hug at kvøða eitt sindur, er tú vælkomin inn á gólvið hóast ikki limur.

Vanliga kvøða vit fríggjakvøld kl 21-24. Skráin verður til skjals her á heimasíðuni. Meginparturin av tí,  sum vit kvøða, er í kvæðabók okkara, ið er her á síðuni.

Kunning fáa limirnir í e-posti og á heimasíðuni eystdans.dk. Tey, sum ikki hava e-post, fáa skránna í brævi.

Á heimasíðuni er næstan alt tað, sum vit kvøða, klárt at prenta út. Aftur í ár verður ein fløga við onkrum av tí, sum vit kvøða, at fáa bíliga.

Limagjaldið kann verða flutt á konto 6460-407.961.4. Minnst til  at viðmerkja navn/nøvn til flytingina.

Í teiginum til vinstri finnur tú Upptøkur, har tú kann hoyra kvøðing. Ætlanin er at fáa alt tað, sum vit, okkara felag, kvøða hagar, so tey, sum vilja, kunnu lurta - og læra seg.

Á YouTube undir Eysturoyar dansifelag eru fleiri ljóðupptøkur at hoyra.

Á Facebook eru vit eisini: Eysturoyar dansifelag.